၄၁။ ဆိုကရေတီးနှင့် ယေရှု တွေ့ဆုံခြင်း အမှတ် (၁၂)
ယုံကြည်မှုတဲ့လား
ဆိုကရေတီး။ ။ ယုံကြည်မှု၊ ဟုတ်လား။ ခင်ဗျား ဘာကို ဆိုလို တာလဲ။
ယေရှု။ ။ ကျုပ်တို့က ဘာမှ မေးမြန်းခြင်းမရှိဘဲ ယုံကြည်ရတယ်။ သောမတ်စ်တို့ကို ကျုပ်တို့က သံသယ ရှိမနေရဘူး။ ဘုရားသခင် ကို ယုံကြည်ရင် ကျုပ်တို့ ကောင်းကင်ဘုံကို ရောက်တဲ့အခါ ဆင်းရဲ ဒုက္ခအထွေထွေကို မရတော့ဘူး။
ဆိုကရေတီး။ ။ ဘာပြောပြော ဘာမှ စုံစမ်းမေးမြန်းခြင်းမရျှိဘဲ ကျွန်ုပ်တို့က ယုံရမယ်လို့ ခင်ဗျားက ပြောတယ်။ ကျွန်ုပ်တို့က လွယ်လွယ်နဲ့ အလိမ်ခံရသူ ဖြစ်မသွားဘူးလား။ အကယ်၍ ကျွန်ုပ် အဲဒီ အတိုင်းလုပ်ရင်၊ ငွေတစ်ထောင် ပြန်ပေးမယ်လို့ ကတိပေးတဲ့ လမ်းပေါ်က လူတိုင်းကို ကျွန်ုပ်ရဲ့ ပိုက်ဆံအိတ်ကို ပေးရမှာပေါ့။ ခင်ဗျား ပြောတိုင်းလုပ်ရင် ကျုပ်က လူမိုက် ဖြစ်သွားမှာပေါ့။ ပြီးတော့ ဒီနေရာမှာ ခင်ဗျားက ကျုပ်ဆီမှာ ပိုက်ဆံကိုသာ တောင်းနေတာ မဟုတ်ဘူး။ လုပ်ငန်းရဲ့တန်ဖိုးကို လုံးဝမစဉ်းစားဘဲ အဲဒီလုပ်ငန်းနဲ့ ရည်ရွယ်ချက်အပေါ် ကျွန်ုပ် တစ်ဘဝလုံးကို မြှုပ်နှံဖို့ တောင်းဆို တာခင်ဗျ။ သူခိုး တစ်ယောက်ဟာ ကျွန်ုပ်ရဲ့ အသက်ကို ခြိမ်းခြောက်ပြီး ကျွန်ုပ်ဆီက ငွေကို တောင်းဆို တယ်။ ခင်ဗျားက ညှင်းပန်းမှုနဲ့ ခြိမ်းခြောက်၊ သုခဘုံကို ကတိပေးပြီး ကျွန်ုပ်ရဲ့ဘဝကို တောင်းဆို တယ်။ ကျန်ုပ်က ဗလာကတိတွေ ခြိမ်းခြောက်မှုတွေနဲ့ ပြောတာနောက်ကို ပါသွားမယ့် စုတ်ချာတဲ့ လူထုံလူအ မဟုတ်ဘူး ခင်ဗျ။
ယေရှု။ ။ လူထုံလူအ ဆိုတာ ကမ္ဘာမြေရဲ့ အမွေကို ခံယူ သူပါ။
ဆိုကရေတီး။ ။ လူထုံလူအ ဆိုတာ အနိုင်ခံရတဲ့ နိုင်ငံက အမျိုးသမီးနဲ့ ကလေးတွေလို သတ်ဖြတ်ခံရ ကျွန်ပြုခံရ တယ်လေ။
ယေရှု။ ။ ခင်ဗျား၊ ဘုရားသခင်ကို မေးခွန်း မထုတ်ရ ဘူးလေ။
ဆိုကရေတီး။ ။ အဲဒီ ဘုရားသခင်ဆိုသူကို ကျွန်ုပ် တစ်ခါမျှ မတွေ့ဖူးလို့ သူ့ကို မမေးနိုင်ပါဘူး။ သူ့ကို ကိုယ်စားပြုတယ်ဆိုတဲ့ ခင်ဗျားကို ကျွန်ုပ် မေးနေတာပါ။ ခင်ဗျား တကယ်ပဲ ကိုယ်စားပြု မပြုဆိုတာကို သိဖို့အတွက်ပါ။
ယေရှု။ ။ ကျုပ်တို့ဟာ ဘုရားသခင်ရဲ့ စကားတော်ဖြစ်တဲ့ သမ္မာကျမ်းကို ယုံရမှာပါ။ နားလည်နိုင်ဖို့ မမျှော်လင့်ဘဲ၊ သက်သေကို မစုံစမ်းဘဲ ယုံကြည်ရမှာပါ။
ဆိုကရေတီး။ ။ လူတစ်ယောက်မှာ ရွေးချယ်ခွင့်မရှိရင် မဖြစ်နိုင်ဘူးဗျ။ ကမ္ဘာပေါ်မှာ ဘာသာတရား တွေ ထောင်ပေါင်းများစွာ ရှိတာကို ခင်ဗျားသိမှာပါ။ ယုံကြည်မှုသက်သက်နဲ့ လက်ခံရင် အဲဒီ ဘာသာတရား အားလုံးကို လက်ခံရတော့မှာပဲ။ ဒါပေမယ့် ဘာသာတရား အားလုံးက မတူကြတဲ့ အတွက် အဲဒါ မဖြစ်နိုင်ပါဘူး။ ကမ္ဘာကြီး လုံးတယ်ဆိုတာနဲ့ ပြားတယ်ဆိုတာကို တစ်ပြိုင်နက် ယုံကြည်နေသလို ဖြစ်မှာပဲ။ ခင်ဗျားဟောတာကို ခင်ဗျား မကျင့်သုံးတာ သေချာတယ်။ ဘာကြောင့်ဆို အဲဒီလိုဖြစ်ရင် ဂျူးဝါဒရော ဓမ္မဟောင်းကျမ်းကိုပါ မှန်တယ်လို့ လက်ခံရာရောက်ပြီး ခင်ဗျားရဲ့ ဒီမိစ္ဆာဝါဒသစ်ကို ဖော်ပြမှာ မဟုတ်ဘူး။ ဒါမှမဟုတ် မနေ့က ခင်ဗျားရဲ့ မိစ္ဆာဝါဒကို ဟောပြောနေတာ ရပ်စဲဖိ်ု့ အေသင်မြို့က တရား ဟောဆရာတွေ လမ်းပေါ်မှာ ခင်ဗျားကို တားမြစ်တဲ့အခါ ခင်ဗျားဟာ ဂရိဘာသာ ရေးဖြစ်တဲ့ အိုလံပစ်နတ်ဘုရားတွေကို ယုံကြည်ခဲ့မှာပေါ့။ ဘာကြောင့်ဆို သူတို့က ခင်ဗျားကို အဲဒီဘာသာရေး အမှန်ပါလို့ ပြောကြတဲ့အတွက် ယုံကြည်မှုသက်သက်နဲ့ပဲ ခင်ဗျား သူတို့ ပြောတာကို ယုံကြည်ခဲ့သင့်တာပေါ့။ ဟုတ်ဘူးလား။
ယေရှု။ ။ ယုံကြည်မှုကြောင့် ကျုပ်တို့ ကယ်တင်ခြင်း ခံခဲ့ရပါတယ်။ ယုံကြည်မှုနဲ့ ဘယ်သူမဆို ဘုရား သခင်ဆီက ဆုတော်ကို ရယူနိုင်ပါတယ်။
ဆိုကရေတီး။ ။ ခင်ဗျားကို ဥပမာလေးတစ်ခု ပေးပါဦးမယ်။ ဒေလ်ဖိုင်မြို့သား အာဏာပိုင်က ကျွန်ုပ်ကို လူတစ်ယောက်ဟာ သေဒဏ် အပြစ်ရှိပြီး၊ ကျွန်ုပ်ရဲ့ ဇနီးကို မုဒိမ်းကျင့်ကြောင်း၊ ကျွန်ုပ်က သူ့ကို သတ်သင့်ကြောင်း၊ မသတ်ရင် သူ့ကို ကျွန်ုပ်သိသွားပြီး သူ့ကိုသတ်မှာ ကြောက်လို့ သူက ကျွန်ုပ်ကို သတ်မည် ဖြစ်ကြောင်း ပြောသည်ဆိုပါစို့၊ ခင်ဗျားက 'သင်သည် လူကို မသတ်ရ'လို့ ပြော သည်ဆိုပါစို့။ ဘာပြောပြော ယုံကြည်မှုနဲ့ လက်ခံရမည်လို့ ခင်ဗျား ကျွန်ုပ်ကို ပြောတယ်။ ခင်းဗျားရဲ့ စကားအတိုင်း ဆိုရင် ကျွန်ုပ်က ဒေလ်ဖိုင်မြို့သား အာဏာပိုင်ကို ယုံကြည်လို့ အဲဒီလူကို ကျွန်ုပ် သတ်ရမှာဖြစ်ပြီး တစ်ချိန်တည်းမှာ ကျွန်ုပ်ဟာ ဘုရားသခင်ကို ယုံကြည်လို့ အဲဒီလူကို ကျွန်ုပ် မသတ်ရဘူး။ စကားနှစ်ရပ် ရှေ့ နောက် ဆန့်ကျင်နေလို့ သတ်ခြင်း မသတ်ခြင်း နှစ်မျိုးလုံးကို တစ်ပြိုင်နက် မလုပ်နိုင်ဘူး။ ဒါကြောင့် ကျွန်ုပ်အနေနဲ့ ဒေလ်ဖိုင်မြို့သား အာဏာပိုင်ကိုရော ဘုရားသခင်ကိုပါ မယုံကြည်နိုင်ဘူး။ ဒါကြောင့်ပဲ ယုံကြည်မှုသက်သက်နဲ့ ဘာကိုမျှ လက်ခံဖို့ ကျွန်ုပ်အဖို့ မဖြစ်နိုင်ဘူး။ ဘာကို ယုံကြည်တယ်ဆိုတာနဲ့ ပတ်သက်ပြီး ဆန္ဒရှိရှိ မရှိရှိ လူတို့လုပ်တဲ့ ဆင်ခြင်တုံတရားရှိတဲ့ ရွေးချယ်မှုတစ်ရပ် ရှိတယ်။ ခင်ဗျား ဘာလုပ်လုပ် ပြဿနာကို ရှုထောင့်ပေါင်းစုံက စဉ်းစား၊ ဆွေးနွေး၊ ယူဆပြီး ရွေးချယ်ပါ၊ သို့မဟုတ် တစ်စုံတစ်ခုသော ရွေးချယ်မှုရှိတယ်လို့ မျက်စိမှိတ်ပြီး ငြင်းမှာလား။ 'ဘဝအဓိပ္ပာယ်က ဘာလဲ'ဆိုတဲ့ မေးခွန်းရဲ့ အဖြေဟာ လူတစ်ယောက်ရဲ့ ဘဝတစ်ခုလုံးကို အဆုံးအဖြတ်ပေးတာ ဖြစ်လို့ အဲဒီ ရွေးချယ်မှုဟာ လူတစ်ယောက်ရဲ့ ဘဝမှာ အင်မတန် အရေးကြီးတဲ့အရာ ဖြစ်ပါတယ်။ အကယ်၍ လူတစ်ယောက်ဟာ မိမိရဲ့ အပြုအမူတိုင်းကို သူ့ဘာသာတရားကို တိုက်ရိုက် ဦးတည်တယ်ဆိုရင် ခင်ဗျား ထောက်ခံပြောဆိုထားတဲ့အတိုင်းသူ့ရဲ့ ဘာသာတရား ရွေးချယ်မှုနဲ့ ပတ်သက်ပြီး အများကြီး စဉ်းစားရပါလိမ့်မယ်။ ဆိုပါစို့၊ အကယ်၍ ခင်ဗျားဟာ သင့်ဘဝတစ်ခုလုံးနဲ့ ပတ်သက်တဲ့ ကိစ္စနဲ့ တစ်မြို့မှ တစ်မြို့ကို သွားရမယ်ဆိုရင် လမ်းကြောင်း အားလုံးနဲ့ပတ်သက်ပြီး သိထားဖို့ မလိုပေဘူးလား။ သူပုန်တွေ သောင်းကျန်းတဲ့ လမ်းဖြစ်သလား၊ ပိုနီးပြီး အန္တရာယ်ကင်းတဲ့ မြို့ ရှိသလား၊ မြို့ကော အမှန်တကယ် ရှိရဲ့လား ဆိုတာတွေကို စဉ်းစားရမယ်။
ယေရှု။ ။ အကယ်၍ ခင်ဗျားဟာ ဘုရားသခင်၊ ဖန်းဆင်းမှုနဲ့ ဘဝရဲ့ရည်ရွယ်ချက် အကြောင်းကို ရိုးသားစွာ သိလိုရင် အမှန်တရားကို တွေ့ရှိဖို့ ရိုးရှင်းတဲ့ နည်းရှိပါတယ်။ ခင်ဗျားလုပ်ရမှာက ဘုရား သခင်ကို ခင်ဗျားနှလုံးသားထဲ လာရောက်ဖို့ တောင်းပန်ရုံပါပဲ။ အကယ်၍ သင်ဟာ ဘုရားသခင်နဲ့ သစ္စာတရားကို ရိုးသားစွာ သိလိုရင် သန့်ရှင်းသော ဝိညာဉ်တော်ဟာ သင့်နှလုံးသားထဲ ရောက်ပြီး ခင်ဗျားဟာ ဘုရားသခင်နဲ့ တစ်သားတည်း ဖြစ်သွားပါလိမ့်မယ်။ ထိုခဏမှာ သင်ဟာ မြင့်မြတ်တဲ့ အသိပညာနဲ့ ငြိမ်းချမ်းမှုကို ရရှိပြီး သေပြီးနောက် ကောင်းကင်ဘုံကို ရောက်ပြီး ပျော်ရွှင်ရောင့်ရဲမှုနှင့် ထာဝစဉ် နေရပါလိမ့်မယ်။
ဆိုကရေတီး။ ။ ကျွန်ုပ်ဟာ သစ္စာတရားကို သိချင်ပါတယ်။ အဲဒီဗဟုသုတနဲ့ အသိပညာကို ရရှိဖို့ ကျွန်ုပ် ဘာကို အတိအကျ ပြုမူပြောဆိုရမလဲ။ ကျွန်ုပ် သူ့ကို ဘယ်လို ခေါ်ဝေါ်ရည်ညွှန်းရမလဲ။
----------------------------
တွေ့ဆုံခန်း (၁၃) မှာ သစ္စာတရား အကြောင်းကို ဆွေးနွေးကြပါတယ်။ မျှော်ပါ .....
