၄၂။ ကြောင်သူတော် ဓမ္မဆရာများ
၁၉၈ဝ-ပြည့်လွန်နှစ်များတွင် အမေရိကန်ဧဝံဂျလိလောက၌ အရှုပ်တော်ပုံတစ်ခု ပေါ်ပေါက်ခဲ့သည်။ အကြီးဆုံး ဧဝံဂျလိဓမ္မဆရာ နှစ်ယောက်ဖြစ်သည့် ဂျင်မီဆွာဂတ်၊ ဂျင်မ်ဘက်ကာနှင့် သူ့ဇနီး ထမ်မီတို့ အကြောင်း ဖြစ်သည်။ ဆွာဂတ်တွင် အပတ်စဉ်လူသန်းပေါင်းများစွာ ကြည့်ရှုသည့် တယ်လီဗီးရှင်း အစီအစဉ်တစ်ခုရှိသည်။
သူသည် 'သခင်ယေရှု၏ အလုပ်ကိုလုပ်ရန်' အမြဲလှူခံသည့် စံပြဓမ္မဆရာ ဖြစ်သည်။ အကျင့်ပျက်မှုကို ကျယ်လောင်စွာ ပြစ်တင်ရှုတ်ချပြီး ယေရှုသည်သာ လူကိုကောင်းအောင် လုပ် ပေးနိုင်ကြောင်း ပြောသည်။ ဂျင်နှင့် ထမ်မီတို့မှာ အလွန် လူ ကြိုက်များသည့် တီဗီပြကွက် တစ်ခုရှိသော်လည်း ကြီးပွား ကြောင်းတရားဆိုသည့် ဟောပြောမှုအတွက် ပို၍ လူသိများ သည်။ ၎င်းတို့သည် ပကာသန စည်းစိမ်ဖြင့် နေထိုင်ကြပြီး တစ် လကို ဒေါ်လာများစွာ ဝင်ငွေရှိသည်။
ဆွာဂတ်နှင့် ဘက်ကာ နှစ်ယောက်လုံး ကြီးမားသည့် ပစ္စည်း နှင့် အာဏာ အင်ပါရာကို တည်ဆောက် ထားကြပြီး သဘာဝ အားဖြင့် ၎င်းတို့မှာ အချင်းချင်း မနာလိုရှိကြသည်။ တစ်နေ့ ၎င်းတို့၏ အရှိန်အဝါမြင့်ချိန်တွင် ဂျင်နှင့် ထမ်မီတို့၏ ဘုရား ကျောင်း၌ တစ်ခုခုဖြစ်ကြောင်း သတင်းထွက်သည်။ ယင်းဘုရားကျောင်း၌ ကလိမ်ကျမှု၊ ခိုးဝှက်မှု၊ အခွန်ရှောင်မှုနှင့် တရားမဝင် ဘဏ်စာရင်းဖွင့်မှုစသည့် အကြီးအကျယ် ငွေကြေး မသမာမှုရှိသည် ဟုဖြစ်သည်။ အဆိုးဆုံးမှာ ဂျင်မ်သည် ၎င်း၏အတွင်းရေးမှူးနှင့် လူမှုရေး ဖောက်ပြန်ကြောင်း၊ ၎င်း၏ ဒရိုင်ဗာနှင့် လိင်တူ ဆက်ဆံကြောင်း၊ ထမ်မီမှာ မူးယဇ်ဆေးစွဲနေ သူဖြစ်ကြောင်း တွေ့ရ ခြင်းဖြစ်သည်။
အမေရိကန်တို့ တုန်လှုပ်သွားသည်။ နိုင်ငံတော်၏ ဘာသာတရား ကိုင်းရှိုင်းသူနှစ်ယောက် တကယ်ပင် ခိုးယူနေကြပြီး လူလိမ် သီလကြောင်များဖြစ်ကြသည်။ ရဲသားတို့ စုံစမ်းစမ်းနေစဉ် ဘက်ကာ၏ အရှိန် အဝါလည်း ကျဆင်းသွားတော့သည်။ နောက်ဆုံးတွင် ဂျင်မီ ဘက်ကာသည် ငွေကြေး မသမာမှုဖြင့် ထောင်ဒဏ် ၄၅-နှစ် ပြစ်ဒဏ်ပေးခံရသည်။ သို့ရာတွင် အလွန့်အလွန် ပျော်သူကတော့ ဂျင်မီ ဆွာဂတ် ဖြစ်သည်။ ၎င်း၏တီဗီအစီအစဉ်တွင် အကယ်၍ ဘက်ကာတို့ လင်မယားသည် ခရစ်ယန် အစစ်အမှန် ဖြစ်ခဲ့လျှင် ၎င်း၏ လုပ်ရပ်မျိုး ဘယ်တော့မှ ဖြစ်ပေါ်မည်မဟုတ်ဟုဆိုသည်။ ၎င်းအနေဖြင့် ဘက်ကာ တို့ကို ဘုရားကျောင်းမှ နှင်ထုတ်ရန် လှုပ်ရှားမှုတစ်ခုကို ထောက်ပံ့ မည်ဖြစ်ကြောင်း၊ အကြောင်းမှာ ဧဝံဂျလိခရစ်ယန် အဖွဲ့အစည်းများသည် မိမိကဲ့သို့ စင်ကြယ်ရ မည်ဖြစ်ပြီး စင်ကြယ်သူ ဧဝံဂျလိ ခရစ်ယန်တို့သည် ၎င်းတို့ကိုယ်ကို ယေရှုအား လုံးဝ ပေးအပ်ရ မည်ဖြစ်ကြောင်း ပြောကြားခဲ့သည်။ 
ရက်သတ္တပတ် အနည်းခန့်အကြာတွင် သတင်းထောက် တစ်ယောက် သည် ဂျင်မီဆွာဂတ် ပြည့်တန်ဆာခန်းမှ ထွက်လာသည့် ဓာတ်ပုံ တစ် ပုံကို ရိုက်ယူ နိုင်ခဲ့သည်။ နောက်နေ့တွင် ပင်မသတင်းစာကြီးတိုင်း၏ သတင်းခေါင်းစဉ်တွင် ပါလာသည်။ သန်းပေါင်းများစွာသော တီဗွီ ပရိသတ်ရှေ့မှောက်၌ ဆွာဂတ်သည် ၎င်း၏အပြစ်ကို ဝန်ခံပြီး သနား ခွင့်လွှတ်ရန် ယေရှုထံ၌ တောင်းပန်သည်။ ယေရှုသည် ခွင့်လွှတ် ကောင်း ခွင့်လွှတ်မည်ဖြစ်သော်လည်း အမေရိကန်လူထုကတော့ ခွင့်မလွှတ်ခဲ့ချေ။ 'သီလကြောင်' 'ဖောက်ပြန်သူ'ဟူသော အော်ဟစ်သံများ၊ ဧဝံဂျလိခရစ်ယန်တို့၏ ရယ်မောဝေဖန်သံ အကြား၌ ဆွာဂတ်တစ်ယောက် ဓမ္မဆရာ အဖြစ်မှ အငြိမ်းစား ယူသွားခဲ့ရသည်။
လအနည်းငယ် ကြာပြီးနောက် တစ်ညတွင် ရဲသားတစ်ယောက် အရှိန်မြှင့် မောင်းနေသော ကားကို ရပ်ခိုင်းလိုက်သည်။ အတွင်း၌ ဆွာဂတ်ကိုတွေ့ရသည်။ ၎င်း၏အတွင်းခံ ဘောင်းဘီတို လျှောကျနေပြီး နောက်ထိုင်ခုံတွင် အညှီ အဟောက် မဂ္ဂဇင်းဒါဇင် များစွာနှင့်အတူ တွေ့ရသည်။ အဆိုပါ အရှုပ် တော်ပုံများ ငြိမ်စပြုပြီးဖြစ်သော်လည်း နောက်ထပ် ဧဝံဂျလိ ဓမ္မဆရာတစ်ယောက်အား မသူတော် သီလကြောင်အဖြစ် ယင်းသို့ တွေ့လိုက်ရခြင်းဖြစ်သည်။
----------------------
