၄၈။ ဘုရားသခင်နှင့် တွေ့လိုသူများ၏ ကြမ္မာဆိုး

မာရှယ် ဟာ့ဖ် အက်ပဲလ်ဝှိုက် (Marshall Herff Apple-white) သည် ၁၉၃၁ တွင် အမေရိကန်ပြည်ထောင်စု၊ တက္ကဆပ်စ်ပြည်နယ်၊ ဆပါးရ် (Spur) မြို့၌ မွေးဖွား၏။ ၁၉၅၂ ခုနှစ်တွင် အော်စတင်ကောလိပ်မှ ဘီအေဘွဲ့ရပြီး ဗာဂျီးနီယားပြည်နယ်၊ ရစ်ခ်ျမွန်(မြို့) Union Theolo- gical Seminary ၌ အတန်ကြာ စာပေသင်ကြားခဲ့၏။ ယင်းနောက် မြောက်ကာရိုလိုင်းနား ပြည်နယ် First Presbyterian ဘုရားကျောင်း၌ ဂီတညွှန်ကြားရေးမှူးအဖြစ် လုပ်ကိုင်ပြီး တက္ကဆပ်စ်၊ ဟျူစတန်(မြို့)သို့ ပြန်လာလျက် အနုပညာတင်ဆက်မှုများဖြင့် အသက်မွေးခဲ့ပြီး စိန့်သောမတ်စ်တက္ကသိုလ်၌ ဂီတ ပါမောက္ခ ဖြစ်ခဲ့သည်။ ၁၉၇ဝ တွင် လူငယ်ကျောင်းသား တစ်ယောက်နှင့် လိင်တူ ဆက်ဆံမှု အရှုပ် အထွေးကြောင့် တက္ကသိုလ်မှ ထုတ်ခံရမှုအပေါ် ဝှိုက်သည် ခါးသီးစွာခံစားရ၏။ ဝှိုက်သည် လိင်တူ လိင်မတူ ဆက်ဆံမှုနှစ်မျိုးဖြင့် ရောင့်ရဲမှုမရှိဟု ဆိုသည်။

၁၉၇၂ - တွင် စိတ်ရောဂါဆေးရုံသို့ တက်ရောက်၍ မိမိကိုယ် ကို စမ်းသပ်ခံ၏။ ထိုဆေးရုံ၌ ဗွန်နီ လု နက်တဲလ်စ် (Bonnie Lu Nettles 1927-1985) ခေါ် သူနာပြု အမျိုးသမီးနှင့်တွေ့၏။ နက်တဲလ်စ် သည် ရုပ်လွန်ပညာ လေ့လာမှုကို စိတ်ဝင်စားကြောင်းထက်ပို၍ သူမ၏ မွေးဖွားရာအရပ်နှင့် နောက်ခံ သမိုင်းကိုများ စွာမသိရချေ။ သူမသည် ဒေသဆိုင်ရာ ရုပ်လွန်ပညာအဖွဲ့၏ အဖွဲ့ ဝင်ဖြစ်ပြီး ဝှိုက်အား ရုပ်လွန်ပညာကို လေ့လာစေရန် ဆက်သွယ်ပေးခဲ့၏။ ယင်းသည် ဝှိုက်၏ တွေဝေမှု စိတ်ဝေဒနာကို ပိုမိုမြှင့်တင်ပေးခဲ့၏။ ဝှိုက်၏ လိင်ကိစ္စ အခြေအနေအပေါ်လက်ခံသဖြင့် ဝှိုက် အဖို့ နက်တဲလစ်အပေါ် ယုံကြည်ခဲ့သည်။

ဝှိုက်နှင့် နက်တဲလ်စ်တို့ နှစ်ယောက် တွဲမိသွားပြီး အဖွဲ့ဝင်များ တိုးလာ အောင် စည်းရုံးနိုင်ကြသဖြင့် နောင်အခါ အုပ်စုတစ်ခု ဖြစ်လာ၏။ ၁၉၇၃ တွင် ဟျူစတန်မှ သြရီဂန်သို့ ပြောင်းရွှေ့သွားကြ၏။ ယင်းနောက် လော့စ်အိန်ဂျယ် လိစ်၌ ရုပ်လွန် ပညာအကြောင်း ဆွေးနွေးပွဲတစ်ခုတွင် အဖွဲ့ဝင် ၂၄ ယောက် စည်ရုံးနိုင်ခဲ့၏။ ယင်းနောက် လူ ၁ဝဝဝ ခန့်ထိ အဖွဲ့ဝင်အဖြစ် စည်းရုံးနိုင်ခဲ့သော်လည်း အဖွဲ့ဝင်အချင်းချင်း ဆက်သွယ်မှု အားမကောင်းဘဲ ပြတ်လပ်နေခဲ့သည်။

ပထမတွင် ယင်းအုပ်စု၏ အမည်ကို “နှစ်ယောက် (The Two)” (ဝှိုက်နှင့် နက်တဲလ်စ်ကို ရည် ရွယ်သည်)၊ ထို့နောက် 'တဲနှင့်ဒို (Te and Do) (တဲမှာ နက်တဲ လ်စ်၊ ဒိုမှာ ဝှိုက်) ဖြစ်သည်။ သတင်း ထောက်များက ဤအုပ်စု၏ အဓိက ဟောပြောချက်ကို ဖော်ပြလျက် 'လူသားပုဂ္ဂလိက အသွင် ပြောင်းလဲခြင်း' (Human Individual Metam-orphosis, HIM) ဟု ရည်ညွှန်း ခေါ်ဝေါ်ကြသည်။

နက်တဲလ်စ်သည် ၁၉၈၅ ခုနှစ်တွင် ကင်ဆာရောဂါဖြင့် ကွယ်လွန်ပြီး ဝှိုက်ကို ခွဲခွာသွားခဲ့သည်။ ထိုအချိန်မှစ၍ ဝှိုက်သည် ပိုမိုအထည်း ကျန်မှုကို ခံစားခဲ့ရသည်။ ယင်းနောက် ၁၉၉၄ ခုနှစ် ၎င်းတို့ အုပ်စု သတင်းစာကြော်ငြာ တစ်ခု၌ ၎င်းတို့၏အမည်ကို 'အမည်မသိ လုံးဝ လွတ်မြောက်သူများ' (Total Overcomers Anonymous) ဟု ကင် ပွန်း တပ်ခဲ့သည်။ ၎င်းတို့ အုပ်စုသည် ပြည်နယ် အတော်များများသို့ ပြောင်းရွှေ့ နေထိုင်ခဲ့ကြပြီး ၁၉၉၆ တွင် ဆန်ဒေယေဂိုမြို့ (ကာလီဖိုးနီး ယား)သို့ ပြောင်းရွှေ့ခဲ့ကြသည်။

'ကောင်းကင်ဘုံတံခါး (Heaven's Gate)ဟူသော အမည်မှာ ယင်း အဖွဲ့ ကျဆုံးခါနီး အသုံးပြုခဲ့သော ၎င်းတို့၏ အင်တာနက်ဝက်ဘ်ဆိုက် အမည်ဖြစ်သည်။

ဝှိုက်အနေဖြင့် ၎င်း၏စိတ်ရောဂါ လုံးဝ ပျောက်ကင်းသည်အထိ ကုသရန် မဆုံးဖြတ်ခဲ့ခြင်းကြောင့် ပိုမိုဆိုးရွားသည့် အခြေအနေသို့ ဆိုက်ရောက်သွားခဲ့ခြင်း ဖြစ်၏။ ၎င်း၏ စိတ်ရောဂါ ကုသမှုကို ဆက်မလုပ်ဘဲ အတန်ကြာနေပြီးနောက် လိင်ကိစ္စ စိတ်မကျေနပ်မှုကို ဖြေရှင်းရန် ကြိုးပမ်းမှုအနေဖြင့် မိမိ ကိုယ်ကိုမိမိ ဝှေးသင်းခဲ့၏။ ဝှိုက်သည် 'လိင်တူဆက်ဆံလိုသော လှုံ့ဆော်မှု'နှင့် ပတ်သက်၍ မိမိ ကိုယ်ကိုမိမိ ကုသရေးနည်းလမ်း ရှာဖွေခဲ့ပုံရသည်။

ဝှိုက်သည် အဖွဲ့ဝင်များအား အရာအားလုံးနီးပါးမျှကို စွန့်လွှတ်စေ၏။ မိသားစု၊ မိတ်ဆွေနှင့် လိင် ဆက်ဆံမှုတို့ကို စွန့်လွှတ်ရပြီး တပည့်ယောက်ျား ငါးယောက်မှာ ၎င်းတို့၏ ခေါင်းဆောင်ကဲ့သို့ ဝှေး စေ့များကို ခွဲစိတ်သင်းကွပ်ခဲ့သည်။ ၎င်းတို့သည် မိမိတို့၏ လောကီပိုင်ဆိုင်မှု အားလုံးကို အလျှော့ ပေး သို့မဟုတ် စွန့်လွှတ်ခဲ့ကြ၏။ ၎င်း'အဖွဲ့ဝင်များ'အား 'လူစီဖီယန်များ' (ကက်သလစ်ဘာသာကို ဆန့် ကျင်သူများ)နှင့် ၎င်းတို့၏ သြဇာလွှမ်းမိုးသူများကို အောင်မြင်ကျော်လွှားရမည်ဖြစ်ပြီး ဘာသာရေး တိုက်ပွဲဝင်ရမည်ဟု ပြောကြား၏။ ယင်းဟောပြောချက်သည် ယင်းအုပ်စုအပြင်ဘက်ရှိ မည်သူမဆို မည်သည့်အရာမဆိုအား မကောင်းမြင် သဘောထား အမှတ်တံဆိပ် ဖြစ်လာခဲ့သည်။

ဝှိုက်က ၎င်း၏နောက်လိုက်များအား မိမိသည် 'လူသားတို့ အထက်တွင်ရှိသော ဆင့်ကဲပြောင်းလဲမှု နိုင်ငံတော်အဆင့်'မှ တမန်တစ်ယောက်ဖြစ်ကြောင်း သင်ကြား၏။ ၎င်းအရ ယင်းအဆင့်မြင့် နိုင်ငံ တော်သည် အခါအားလျော်စွာ တမန်တော်များ စေလွှတ်လေ့ရှိပြီး ယခင်က ယင်းသို့ရောက်လာသူ တစ် ယောက်မှာ ယေရှုခရစ်တော် ဖြစ်ကြောင်းဆို၏။ ဝှိုက်သည် ယခင်က ယေရှုခရစ်တော် ဖြစ်ခဲ့ပြီး ယခု 'တစ်ဖန် ရင့်ကျက်သည့် အရွယ်ရောက်သူအဖြစ် ပြန်လည်ဝင်စားပြီး ဘုရားသခင်၏ ရွေး ကောက်ခြင်း ခံခဲ့ရလျက် ခရစ်တော်၏အယူဝါဒ ပြန့်ပွားရေး လုပ်ငန်းကို ပြင်ဆင်ခဲ့ကြောင်း' ဆို၏။ ၎င်း၏ တပည့်များအား မိမိနှင့်အတူ လေ့လာလျှင် မိမိအနေဖြင့် ၎င်းတို့၏ ပိုမြင့်သည့် ဘဝအဆင့် အတွက် ပေါင်းကူးတံတား ဖြစ်လာမည်ဟုဆို၏။ ၎င်းတို့အနေဖြင့် မိမိ(ဝှိုက်)မှတစ်ဆင့်သာလျှင် နောက် ဆုံးတွင် ဆင့်ကဲပြောင်းလဲသွားပြီး ယင်းလမ်းခရီးဟု ယူဆရသည် အတွက် ယာဉ်များ(သဖွယ်)သာလျှင် ဖြစ်သော လူသားအခွံကို ခွာချွတ်နိုင်မည် ဖြစ်သည်။

ဝှိုက်အနေဖြင့် မိမိမိတပည့်များ၏ ပုဂ္ဂိုလ်ရေးကို ဆွဲနုတ်ပြီး မိမိသင်ကြား ချက်များကို စိတ်ထဲက လက်ခံလာနိုင်အောင် စီမံနိုင်သည်မှာ တင်းကြပ်သည့် စည်းမျဉ်းများကြောင့်ဖြစ်၏။ တပည့်များအား မနှောင့်ယှက်သော်လည်း အိပ်ခွင့် မပေးချေ။ အိပ်မည့်အစား အိပ်နေရာမှ မကြာမကြာနိုးထ၍ ဘုရား သခင်ထံ အချိန်မှန်မှန်ဆုတောင်းရန် အစီအစဉ်ဆွဲထား၏။ 'ယာဉ်(ခန္ဓာကိုယ်)အတွက် လောင်စာ ဆီ'ကိုရည်ညွှန်းသည့် 'ဆေးညွှန်းများ(formulas)'ဟုခေါ်သော တစ်မျိုးတည်းသော အစားအစာကို တစ်ချိန်တည်းတွင် စားကြ၏။ ၎င်းတို့သည် ဆံပင်ပုံစံတူ ညှပ်ကြပြီး အဝတ်ပုစံတူ ဝတ်လျက် တစ်ခါတစ်ရံ လူအများနှင့် ဆက်သွယ်မှု ပြတ် တောက်ရန် ရည်ရွယ်လျက် လက်အိတ်များကို ဝတ်ဆင်ကြ၏။ အချက်ပေးသံများဖြင့် ဆက်သွယ်ကြ၏။ အချင်းချင်း ဆက်သွယ်မှုကို တစ်ခါတစ်ရံသာ 'ဟုတ်တယ်' 'မဟုတ်ဘူး' 'မသိပါ' စသည်ကိုသာ ပြောဆိုရန် ကန့်သတ်ထားသည်။

'ကောင်းကင်ဘုံတံခါး'အဖွဲ့ဝင်များသည် ပြင်ပလောကနှင့် အဆက်အသွယ် ပြတ်နေကြပြီး ¤င်းတို့၏ မိသားစုဝင်များ သို့မဟုတ် မိတ်ဆွေဟောင်း များနှင့်ပါ များစွာ အဆက်ပြတ်နေခဲ့ကြ၏။ ¤င်း တို့တွင် အမည်သစ်များ ကိုယ်စီရှိကြလျက် ယင်းသည် မည်သူမည်ဝါဖြစ်ကြောင်း သိနိုင်ရန်နှင့် ပုဂ္ဂိုလ်ရေး နောက်ခံသမိုင်းကို ပို၍ ပြတ်တောက်စေ၏။ ဝှိုက်သည် ပြင်ပကသတင်းများကို ဖြတ် တောက်ထား ပြီး တပည့်များအား ရုပ်မြင်သံကြား ကြည့်ခွင့်နှင့် မိမိဘာသာရွေးချယ်၍ စာပေဖတ်ရှုခွင့်မပြုဘဲ ပိတ်ပင် ထားသည့် စာပေစာရင်းကိုလည်း ပေးထားသည်။

အဖွဲ့ဝင်တိုင်းကို အဖော်တစ်ယောက်စီသတ် မှတ်ပေးထားပြီး အစုံလိုက် ခရီးသွားရန် ညွှန်ကြား ထား၏။ အဖွဲ့ဝင်ဟောင်း တစ်ယောက်က ယင်းသို့ပြုခြင်းမှာ 'အဖွဲ့ဝင်သစ်များအား ယုံကြည်ချက်ကို စွဲမြဲစေရန်'နှင့် အုပ်စုလိုက်ကို ထိန်းချုပ်နိုင်ရန်တို့အတွက် အရေးပါသည့်အချက် ဖြစ်၏။ 'အကယ်၍ အဖွဲ့ဝင် တစ်ယောက်သည် ပြုလုပ်ရမည်ကို မပြုလုပ်ဘဲနေလိုခဲ့သော် အဖော်သည် ထိုနေရာတွင် ရှိသဖြင့် ၎င်းတို့အနေဖြင့် သွေဖည် ပျက်ကွက်လိမ့်မည် မဟုတ်ချေ။

ဝှိုက်အလိုအရ ဤကမ္ဘာသည် 'ဘုရားသခင်၏ နိုင်ငံတော်အစစ်ဆီသို့ သွားရောက်ရန် ခြေနင်း ကျောက်'သာဖြစ်၏။ ကမ္ဘာပေါ်၌ နေထိုင်သူများသည် ဆင့်ကဲပြောင်းလဲရန် ငြင်းဆိုကြသည့်အတွက် ဤကမ္ဘာသည် လွှင့်ပစ် သို့မဟုတ် ကော်ပစ်ခြင်းခံရတော့မည် ဖြစ်သည်။ ဝှိုက်၏ သင်ကြားမှုဖြင့် အတူ တကွ ပေါင်းစည်းသူများသာလျှင် ကြွင်းကျန်လိမ့်မည် ဖြစ်သည်။ ဝှိုက် သင်ကြားခဲ့သမျှ အား လုံးမှာ လူသားအဖြစ်ကို ငြင်းဆိုခြင်းဖြစ်၏။ မိမိ၏ လူသားအဖြစ်ကို ငြင်းဆိုခြင်းဖြင့် ဝှိုက်သည် ၎င်း၏ လိင်ပိုင်း စိတ်မချမ်းမြေ့ခြင်းနှင့် စိတ်ရောဂါကို နောက်ဆုံးတွင် လွန်မြောက်နိုင်မည်ဟု ယုံကြည် ခဲ့ပုံရ၏။ သို့တစေ ၎င်း၏အုပ်စုငယ်အတွင်း အရှိန်အဝါရရှိလာလေ ၎င်း၏စိတ်ဖောက်ပြန်မှု ပိုမိုကျယ်ပြန့် လာလေဖြစ်ပြီး နောက်ဆုံး၌ လူမဆန်သည့် ကြေကွဲဖွယ် ဖြစ်ရပ်ဆီသို့ ဦးတည်သွားခဲ့သည်။

ယင်းအဖွဲ့၏ မိမိကိုယ်ကို သတ်သေမှုမှာ ၎င်းတို့၏ ယုံကြည်ချက်ကြောင့် လုံးဝ ဖြစ်၏။ ဝှိုက်က ဘုရားသခင် စေခိုင်းလိုက်သူ အဖွဲ့ဝင်တစ် ယောက်(မိမိကို ရည်ရွယ်သည်)မှ တစ်ဆင့် ကိုယ်ခန္ဓာ ဆက်သခြင်းဖြင့်သာလျှင် အမှန်တရားကို ထိန်းသိမ်းထားနိုင်ကြောင်း ထပ်ခါထပ်ခါ ဟောပြာ၏။ သို့ဖြင့် ဝှိုက်မရှိပါက 'အသွင်ကူးပြောင်း အဆင့်'ကိုရရှိရန် မျှော်လင့်ချက်မရှိချေ။ ၎င်းကိုယ်တိုင် တပည့်များ နှင့်အတူ မိမိကိုယ်ကို သတ်သေရန် ရွေးချယ်ခဲ့သောအခါ ၎င်း၏တပည့်များက ၎င်းအား ကျေးဇူး တင်ခဲ့ကြ၏။ ယင်းသည် အမှန်တရားကို ထိန်းသိမ်းရန် တစ်ခုတည်းသော နည်းလမ်းဖြစ်ပြီး 'ဘုရား သခင်၏သစ္စာနိုင်ငံတော်' သို့ဝင်ရန် မဖြစ်မနေ လိုအပ်သော နောက်ဆုံး ခြေလှမ်းဖြစ်သည်။

၎င်းးတို့သည် တင်းကျပ်သည့် စည်းမျဉ်းအားလုံးကို အဆုံးသို့ ရောက်သည်အထိ မဖြစ်မနေ လုပ် ဆောင်သွားခဲ့ကြ၏။ 'ကောင်းကင်ဘုံတံခါး' အဖွဲ့ဝင် အားလုံးသည် နောက်ဆုံး အစားအစာများကို အတိအကျ စီစဉ်ပြီး အသက်ရှင်ဆဲတွင် အလောင်းလွှမ်းပိတ်စဖြင့် မိမိကိုယ်ကိုမိမိ ဖုံးအုပ်လျက် ၎င်းတို့၏ဘဝ နိဂုံးကို အသေးစိတ် အစီအမံများဖြင့် အတိအကျ အဆုံးသတ်သွားခဲ့ကြသည်။

၁၉၉၇ ခုနှစ် မတ်လတွင် ဆန်ဒေယေဂိုမြို့ (ကာလီဖိုးနီးယား)၊ ရန်ချို ဆန် တာဖေး (Rancho Santa Fe)ရပ်၏ သီးခြားခြံဝင်းတစ်ခုရှိ အဆောက်အအုံ ကြီးအတွင်း၌ အမျိုးသမီး ၂၁ ယောက်၊ အမျိုးသား ၁၈ ယောက်၊ စုစုပေါင်း သုံးဆယ့်ကိုးယောက်၏ အလောင်းကို တွေ့ခဲ့ကြရ၏။ အသက်အရွယ်အားဖြင့် ၂၆ မှ ၇၂ နှစ်ထိတွေ့ရပြီး ယင်းတို့အားလုံးမှာ အမေရိကန် ပြည်ထောင်စုအတွင်း ပြည်နယ်အသီး သီးမှ လာရောက်ခဲ့ကြသည့် ကောင်းကင် ဘုံတံခါးကြီးကို ဖွင့်လိုသူများပင် ဖြစ်တော့သည်။

အလောင်းများကို အိမ်ကြီးအတွင်းရှိ ခုတင်များ မွေ့ရာများ ပေါ်၌ ကြဲပြန့်လျက် တွေ့ရှိခဲ့၏။ အလောင်း နှစ်လောင်းမှ တစ်ပါး အားလုံးမှာ ခရမ်းရောင် အလောင်းခြုံ ပိတ်စများဖြင့် ၎င်းတို့၏ ဦးခေါင်းနှင့် ပခုံးများကို ဖုံးအုပ်ထား၏။ အများစုမှာ အရက်နှင့် အခြားပစ္စည်း တစ်မျိုးဖြင့် ဖော်စပ်ထားသည့် ဆေးတစ်မျိုးကို သုံးစွဲကြပြီးနောက် ၎င်းတို့၏ ဦးခေါင်းပေါ်တွင် အုပ်ထားသော ပလပ်စတစ်အိတ်များကြောင့် မွမ်းကျပ်သေဆုံး ကြရခြင်း ဖြစ်သည်။ သေဆုံးသူများအနက် ကောင်းကင်ဘုံ တံခါး အဖွဲ့ခေါင်းဆောင် အသက် ၆၅ နှစ်ရှိ မာရှယ် အက်ပဲလ် ဝှိုက်ကိုပါ တွေ့ကြရသည်။ ဝှိုက်၏ နောက်ဆုံး ဗွီဒီယိုတိပ် ဖော်ပြချက်များကို လေ့လာ၍ လော့စ်အိန်ဂျယ်လိစ်မြို့ ကာလီ ဖိုးနီးယားတက္ကသိုလ်မှ စိတ်ပညာ ပါမောက္ခ လူး ဝစ်စ် ဂျိုယွန် ဝက်စ် (Louis Jolyon West)က 'ဝှိုက်သည် တွေဝေပြီး လိင်ကိစ္စ အဆင်မပြေမှုကို ချုပ်တည်းထား ရသဖြင့် ဆေးခန်းနှင့် ပတ်သက်သည့် ယုံမှားလွန် စိတ်ဝေဒနာ ခံစားနေရ၏' ဟု မှတ်ချက်ပြုခဲ့သည်။

အမှန်သော် ခရစ်ယန်ဘုရားကျောင်းများမှ ထုတ်ဝေသော စာအုပ်တို့၌ ဖော်ပြသည့် ယုံကြည်မှု(Faith) သရုပ်ဖော် လူဓာတ်ပုံ သို့မဟုတ် ပန်းချီတို့၏ မျက်လုံးများကို သေချာစွာ လေ့လာကြည့်လျှင်ပင် ၎င်းတို့အများစုမှာ မျက်စိမှိတ် ယုံကြည်ပြီး ထာဝရဘုရားနှင့်တွေ့ရန် အသက်ကို စွန့်ရဲလောက်အောင် စိတ်ပိုင်း ဆိုင်ရာ ချွတ်ယွင်းမှု တစ်ခုခု ရှိနိုင်ကြောင်း သံသယဖြစ်ဖွယ်ရှိသည်။

---------------------------